На 31 јануари во рамки на проектот „Интернет суперхерои“ се реализираше медиумската тура како активност од која произлезе третата емисија. На оваа тура вкупно 50 ученици од Делчево вклучително и нивните ментори, проектниот тим и претставници од телевизијата се запознаа со начинот на кој работи телевизијата, како се креираат вестите и како се внимава на точноста на информациите кои ги гледаат на телевизијата. Во оваа емисија средношколците и новинарите заеднички ги споделија искуствата од средбата. Од телевизијата истакнаа дека се отворени за соработка за вакви и слични активности, додека учениците покажаа интерес во текот на образовниот процес повеќе да обработуваат теми и практично да се запознаваат со актуелностите во медиумите и интернет просторот.
Во продолжение може да ја погледнете емисијата од посетата на телевизијата.
