Изминатиот викенд претставници на РЦЗ по дванаесетти пат беа дел од годишна средба на здруженијата на граѓани кои работат на полето на животната средина и одржлив развој во Република Македонија која се одржа по 15-ти пат во Охрид.
Оваа година средбата се реализира во рамките на проектот „Градење на капацитетите на граѓанските организации за животна средина за зголемување на демократските процеси во Македонија“, финансиран од ЕУ во рамките на ИПА Фондот за граѓанско општество и медиумска програма 2016-2017.
Фокусот на овогодинешната средба беше Архуската конвенција и нејзината имплементација во Македонија, а работата се одвиваше во групи преку дискусија во неколку тематски области: Отпад, Вода, Климатски Промени, Биодиверзитет, Воздух, Комуникација и информирање на јавност, ЕУ легислатива, ИСКЗ – ОВЖС.
