Во рамки на проектот „Интернет суперхерои“ кој РЦЗ го спроведуваше во периодот од ноември 2019 до март 2020 година, беа снимени 5 телевизиски емисии со медиумот партнер ТВ Стар, кои опфаќаа различни аспекти од темата медиумска писменост. Емисиите се снимаа на различни локации, притоа опфаќајќи гo источниот регион. Во продолжение е линкот до првата емисија во која тројца експерти од областа, односно новинар – водител, универзитетски професор од катедрата за новинарство и односи со јавност и еден магистер по медиуми и комуникации дебатираа на темата „Како интернет просторот да се искористи за да се учи медиумска писменост“. Во истата се споделија трендови и реални состојби од овој регион на државата како и совети за она што понатаму треба да се направи на оваа тема. Емисијата беше содржински доста исполнета и богата со факти.
