Како член на иницијативата Локал Актив, активист на Регионалниот центар за застапување Делчево во јануари годинава, заедно со новинар – ментор изработи сторија за „Малолетничкиот труд во источна Македонија – многу работнички обврски, малку работнички права“ . По објавувањето на сторија на Локал Актив, на средба меѓу локалните институции и родители од Делчево, беше договорено да се формира работна група за справување со проблемот на незаконското ангажирање на малолетнички труд и спречување на малолетничката експлоатација.
Еден од заклучоците на првата средба беше сите релевантни институции и локалните невладини организации да изработат едногодишен акциски план со цел сите заеднички преку различен тип на активности да придонесат во справување со проблемот на ниво на општина Делчево. Меѓу договорените активности се проекција на едукативни филмови за различни младински групи и за родители, едукативни предавања организирани и спроведувани од страна на членовите на работната група и сл.
Целосниот Акциски План може да се погледне во продложение.
ЕДНОГОДИШЕН ПЛАН ЗА АКЦИЈА
ЦЕЛ 1 : Да се засилат контролите на терен од страна на подрачните единици на Трудовиот инспекторат со цел да се адресира проблемот со злоупотребата на малолетнички труд. Поврзано со ова ДТИ треба да известува заспроведените контроли и да објавува податоци за детектираните случаи и преземени мерки.МТСП треба континурано да го следи проблемот и да изготвува анализи на квартално или годишно ниво. Врз основа на податоците ианализите другите засегнати страни ќе може да ги насочат своите активности за решавање на проблемот.
| АКТИВНОСТ | ОЧЕКУВАНИ РЕЗУЛТАТИ | ИНДИКАТОРИ | РОК | ИМПЛЕМЕНТАТОР |
| Превентивни патроли на МВР и ДТИ | Споредени најмалку 3 превенивни патроли | Број на спроведени превентивни патроли, фотографии , извештаи од спроведени патроли | Крај на 2024 | МВР И ДТИ – Делчево |
ЦЕЛ 2: Работодавачите во било која област да се едуцираат повеќе за ангажманот и законските прописи поврзани со работното ангажирање на малолетни лица и да ги заштитат ангажираните млади од било какви злоупотреби.
| АКТИВНОСТ | ОЧЕКУВАНИ РЕЗУЛТАТИ | ИНДИКАТОРИ | РОК | ИМПЛЕМЕНТАТОР |
| Едукативно предавање за ученици и родители | Спроведено едукативно предавање со фокус на ученици и родители | Број на присутни лица, фотографии од настанот, објави на локални медиуми | Септември 2024 | РЦЗ, ДТИ, МТСП, МВР |
| Проекција на едукативен филм | Прикажуван филм за едукација на млади за вработувањето и трговијата со луѓе | Број на присутни лица, фотографии од настанот, објави на локални медиуми | Јуни 2024 | Локален совет за превенција Делчево |
| Подготовка на едукативни флаери | Графички подготвени и испринтани едукативни флаери | 250 подготвени испринтани флаери | Август 2024 | Регионален центар за застапување |
| Промоција на тековните мерки за млади од АВРМ | Настан за промоција на тековните мерки за пракса, обука и вработување на млади лица | Број на присутни лица, фотографии од настанот, објави на локални медиуми | Октомври 2024 | АВРМ –Делчево |
